୩୦ ଅଗଷ୍ଟ, ୨୦୨୪ରେ ଅବନୀ ଲେଖାରା ପ୍ୟାରିସ୍ ୨୦୨୪ ପାରାଲିମ୍ପିକ୍ସରେ ତାଙ୍କ ମହିଳା ୧୦ ମିଟର ଏୟାର ରାଇଫଲ ସୁଟିଂ ଷ୍ଟାଣ୍ଡିଂ ଏସଏଚ୧ ଟାଇଟଲକୁ ସଫଳତାର ସହ ରକ୍ଷା କରିଥିଲେ।

ଭାରତ ସରକାରଙ୍କ ଅତୁଟ ସମର୍ଥନ ଯୋଗୁଁ ଅବନୀ ଲେଖାରାଙ୍କ ପାରାଲିମ୍ପିକ୍ ସ୍ୱର୍ଣ୍ଣ ପଦକ ବିଜେତା ହେବାର ଯାତ୍ରା ଯଥେଷ୍ଟ ସୁଦୃଢ଼ ହୋଇଛି। ଟାର୍ଗେଟ୍ ଅଲିମ୍ପିକ୍ ପୋଡିୟମ ସ୍କିମ୍ (ଟପ୍ସ) ମାଧ୍ୟମରେ ଅବନୀଙ୍କୁ ବ୍ୟାପକ ଆର୍ଥିକ ସହାୟତା ମିଳିଛି ଯାହା ତାଙ୍କୁ ଶୀର୍ଷସ୍ତରୀୟ ପ୍ରଶିକ୍ଷଣ ସୁବିଧା, ସ୍ୱତନ୍ତ୍ର କ୍ରୀଡ଼ା ଉପକରଣ କିଣିବା ଏବଂ ବିଶେଷଜ୍ଞ ପ୍ରଶିକ୍ଷଣରୁ ଉପକୃତ ହେବାକୁ ଅନୁମତି ଦେଇଛି। ଏହାବ୍ୟତୀତ ଖେଲୋ ଇଣ୍ଡିଆ ଭଳି କାର୍ଯ୍ୟକ୍ରମ ତାଙ୍କୁ ପ୍ରତିଦ୍ୱନ୍ଦ୍ୱିତା ବଜାୟ ରଖିବା ପାଇଁ ଆବଶ୍ୟକ ସମ୍ବଳ ଯୋଗାଇ ଦେଇଛି। ପାରା କ୍ରୀଡ଼ାରେ ପ୍ରତିଭାକୁ ପ୍ରୋତ୍ସାହିତ କରିବା ପାଇଁ ସରକାରଙ୍କ ପ୍ରତିବଦ୍ଧତା ଅବନୀଙ୍କ ସଫଳତାର ମୂଳଦୁଆ ପାଲଟିଛି, ଯାହା ତାଙ୍କୁ ବିଶ୍ୱସ୍ତରରେ ଉତ୍କୃଷ୍ଟ କରିବା ରେ ସକ୍ଷମ କରିଛି ଏବଂ ଅଗଣିତ ଭିନ୍ନକ୍ଷମଙ୍କୁ ପ୍ରେରଣା ଯୋଗାଇବାରେ ସକ୍ଷମ କରିଛି