ସ୍କିଲ୍ ଇଣ୍ଡିଆ ଡିଜିଟାଲ୍ ହବ୍’ ଦକ୍ଷତା ବିକାଶ, ଦକ୍ଷତା ଇକୋସିଷ୍ଟମକୁ ସମନ୍ୱିତ କରିବା, ନିଯୁକ୍ତି ଏବଂ ଉଦ୍ୟୋଗଶୀଳତା ବୃଦ୍ଧି ପାଇଁ ଡିଜିଟାଲ୍ ଆକସେସ୍ ସୁବିଧା ପ୍ରଦାନ କରିବ

ଏସଆଇଡିଏଚ୍ ହେଉଛି ଭାରତୀୟ ଦକ୍ଷତା ଇକୋସିଷ୍ଟମ ପାଇଁ ଏକ ସମନ୍ୱିତ ପ୍ଲାଟଫର୍ମ । କେନ୍ଦ୍ର ସରକାର, ରାଜ୍ୟ ସରକାର, କର୍ପୋରେଟ୍ ସାମାଜିକ ଦାୟିତ୍ବବୋଧ (ସିଏସ୍ଆର୍) ପଦକ୍ଷେପ ଏବଂ ଘରୋଇ ଅଂଶୀଦାରଙ୍କ ଦ୍ୱାରା ପ୍ରଦାନ କରାଯାଉଥିବା ଦକ୍ଷତା କାର୍ଯ୍ୟକ୍ରମ/ପାଠ୍ୟକ୍ରମରେ ବ୍ୟକ୍ତିବିଶେଷ ଅନୁସନ୍ଧାନ କରି ନାମ ଲେଖାଇପାରିବେ। ଏନଆଇଏସବିୟୁଡିର ପ୍ରଶିକ୍ଷିତ ଉଦ୍ୟୋଗୀଙ୍କ ଉତ୍ପାଦଗୁଡ଼ିକୁ ତାଲିକାଭୁକ୍ତ କରିବା ଏବଂ କ୍ଷୁଦ୍ର ବ୍ୟବସାୟୀମାନଙ୍କୁ ସଶକ୍ତ କରିବା ପାଇଁ ଏସଆଇଡିଏଚ୍ କୁ ଜାତୀୟ ଉଦ୍ୟୋଗ ଏବଂ କ୍ଷୁଦ୍ର ବ୍ୟବସାୟ ବିକାଶ ପ୍ରତିଷ୍ଠାନ (ଏନଆଇଇଏସବିୟୁଡି)ର ଉଦୟମକାର୍ଟ ସହିତ ମଧ୍ୟ ମିଶ୍ରଣ କରାଯାଇଛି ।

ଏସଆଇଡିଏଚ୍ ଶିଳ୍ପ ଅଂଶୀଦାର ଏବଂ ଶିକ୍ଷାନୁଷ୍ଠାନମାନଙ୍କ ସହ ଭାଗିଦାରୀରେ ଏକାଧିକ ଦକ୍ଷତା ପାଠ୍ୟକ୍ରମ ପ୍ରଦାନ କରୁଛି । ସେକ୍ଟର ସ୍କିଲ୍ କାଉନସିଲ୍ (ଏସ୍ଏସ୍ସି), ବୋଷ୍ଟନ୍ କନସଲ୍ଟିଂ ଗ୍ରୁପ୍ (ବିସିଜି), ସିସ୍କୋ, କୋକାକୋଲା, ଗୁଭି, ଏଚ୍ସିଏଲ୍ ଟେକ୍ନୋଲୋଜି, ଆଇଜି ଡ୍ରୋନ୍, ମାଇକ୍ରୋସଫ୍ଟ, ଏନ୍ ଏସ୍ ଡିସି, କ୍ୱେଷ୍ଟ ଆଲାଏନ୍ସ, ଟେକ୍ ମହିନ୍ଦ୍ରା ଆଦି ଶିଳ୍ପ ଅଂଶୀଦାର। ଶିକ୍ଷାନୁଷ୍ଠାନ/ ଏଡ୍ ଟେକ୍ ପାର୍ଟନରମାନଙ୍କ ମଧ୍ୟରେ ଅଜିନୋରା, ଡିକିଂକୋ., ଇଗ୍ନୋ, ଟ୍ୟୁଟୋରିଆଲ୍ ପଏଣ୍ଟ, ମନୁପାତ୍ର ଏଜୁଟେକ୍, ଅପଗ୍ରାଡ୍ ଅନ୍ତର୍ଭୁକ୍ତ। ଏହି ସହଯୋଗଗୁଡିକ ଏସଆଇଡିଏଚ୍ ପାଠ୍ୟକ୍ରମର ଫଳପ୍ରଦତା ବୃଦ୍ଧି କରିବାରେ ସାହାଯ୍ୟ କରେ ଏବଂ ଗ୍ରହଣ କରିବାରେ ବୃଦ୍ଧି ସୁନିଶ୍ଚିତ କରୁଛି। ଅଧିକ ପଢନ୍ତୁ