ସମଗ୍ର ଦେଶରେ ମହିଳା ଓ ଶିଶୁଙ୍କ କଲ୍ୟାଣ ସୁନିଶ୍ଚିତ କରିବା ପାଇଁ କେନ୍ଦ୍ର ଓ ରାଜ୍ୟ ମଧ୍ୟରେ ସହଯୋଗ ଜରୁରୀ ବୋଲି ମହିଳା ଓ ଶିଶୁ ବିକାଶ ମନ୍ତ୍ରୀ ଶ୍ରୀମତୀ ଅନ୍ନପୂର୍ଣ୍ଣା ଦେବୀ କହିଛନ୍ତି।

କେନ୍ଦ୍ର ମହିଳା ଓ ଶିଶୁ ବିକାଶ ମନ୍ତ୍ରୀ ଶ୍ରୀମତୀ ଅନ୍ନପୂର୍ଣ୍ଣା ଦେବୀ ଅଗଷ୍ଟ ୧୦, ୨୦୨୪ରେ ଭିଡିଓ କନଫରେନ୍ସିଂ ମାଧ୍ୟମରେ ରାଜ୍ୟର ମହିଳା ଓ ଶିଶୁ ବିକାଶ/ ସମାଜ କଲ୍ୟାଣ ମନ୍ତ୍ରୀ ଏବଂ କେନ୍ଦ୍ର ଶାସିତ ଅଞ୍ଚଳର ପ୍ରଶାସକ/ ଉପରାଜ୍ୟପାଳଙ୍କ ସହ ତାଙ୍କର ପ୍ରଥମ ଜାତୀୟସ୍ତରୀୟ ବୈଠକରେ ଅଧ୍ୟକ୍ଷତା କରିଥିଲେ ।

ମହିଳା ଓ ଶିଶୁ ବିକାଶ ମନ୍ତ୍ରଣାଳୟ ଅଧୀନରେ ଚାଲିଥିବା ବିଭିନ୍ନ ଗୁରୁତ୍ୱପୂର୍ଣ୍ଣ ପଦକ୍ଷେପ ପାଇଁ ଚାଲିଥିବା କାର୍ଯ୍ୟକ୍ରମର ଅଗ୍ରଗତି ଏବଂ ଭବିଷ୍ୟତ ରଣନୀତିର ସମୀକ୍ଷା ଉପରେ ଗୁରୁତ୍ୱ ାରୋପ କରିଥିବା ଏହି ବୈଠକରେ ରାଜ୍ୟର ୨୮ ଜଣ ମନ୍ତ୍ରୀଙ୍କ ମଧ୍ୟରୁ ୨୧ ଜଣ ଅଂଶଗ୍ରହଣ କରିଥିଲେ

ଏହି ବୈଠକରେ ଶ୍ରୀମତୀ ଅନ୍ନପୂର୍ଣ୍ଣା ଦେବୀ ଏହି ପଦକ୍ଷେପଗୁଡ଼ିକର ସୁଫଳ ତୃଣମୂଳ ସ୍ତରରେ ପହଞ୍ଚାଇବା ପାଇଁ କେନ୍ଦ୍ର ଓ ରାଜ୍ୟ ସରକାରଙ୍କ ମଧ୍ୟରେ ମିଳିତ ଉଦ୍ୟମର ଗୁରୁତ୍ୱ ଉପରେ ଗୁରୁତ୍ୱାରୋପ କରିଥିଲେ । ମିଶନ ସକ୍ଷମ ଅଙ୍ଗନୱାଡ଼ି ଏବଂ ପୋଷଣ ୨.୦, ମିଶନ ବାତ୍ସଲ୍ୟ ଏବଂ ମିଶନ ଶକ୍ତି ଅଧୀନରେ ମନ୍ତ୍ରଣାଳୟର ପ୍ରମୁଖ କାର୍ଯ୍ୟକ୍ରମ ଉପରେ ସେ ବିଶେଷ ଭାବରେ ଆଲୋକପାତ କରିଥିଲେ ।

ଶ୍ରୀମତୀ ଅନ୍ନପୂର୍ଣ୍ଣା ଦେବୀ କହିଥିଲେ, ଆମପ୍ରୟାସର ସୁଫଳ ତୃଣମୂଳ ସ୍ତରରେ ପହଞ୍ଚାଇବା ଆମର ଲକ୍ଷ୍ୟ, ଏଥିପାଇଁ ରାଜ୍ୟମାନଙ୍କ ସହ ଘନିଷ୍ଠ ଭାବରେ କାର୍ଯ୍ୟ କରିବା ଜରୁରୀ । ଏହା କେବଳ ରାଜ୍ୟଗୁଡ଼ିକର ବିକାଶ ରେ ସହାୟକ ହେବ ନାହିଁ ବରଂ ଆମ ଦେଶର ସାମଗ୍ରିକ ପ୍ରଗତିରେ ମଧ୍ୟ ସହାୟକ ହେବ, ଯାହା କି ପ୍ରଧାନମନ୍ତ୍ରୀଙ୍କ ‘ବିକ୍ଷିତ ଭାରତ’ର ପରିକଳ୍ପନା ସହିତ ସମାନ