ବିଶ୍ୱ ଦୂରସଂଚାର ଏବଂ ସୂଚନା ସମାଜ ଦିବସ ପାଳନ ଅବସରରେ ଭାରତ ସରକାରଙ୍କ ଦୂରସଂଚାର ବିଭାଗ (ଡିଓଟି)ର ପ୍ରମୁଖ ଟେଲିକମ ଗବେଷଣା ଓ ବିକାଶ କେନ୍ଦ୍ର ସି-ଡଟ୍ ସ୍ୱଦେଶୀ ଟେଲିକମ୍ ସମାଧାନ ଏବଂ ପ୍ରଯୁକ୍ତିବିଦ୍ୟାର ବିକାଶ ପାଇଁ ସ୍ୱତନ୍ତ୍ର ପଦକ୍ଷେପ “ନିଧି” ଏବଂ “ଷ୍ଟାର ପ୍ରୋଗ୍ରାମ” ପାଳନ କରିଛି ଏବଂ ଘୋଷଣା କରିଛି ।
ରଣନୈତିକ, ଗ୍ରାମୀଣ ଏବଂ ଜାତୀୟ ଗୁରୁତ୍ୱପୂର୍ଣ୍ଣ କ୍ଷେତ୍ରରେ ଭାରତର ଟେଲିକମ୍ ଆବଶ୍ୟକତାକୁ ପୂରଣ କରିବା ପାଇଁ ସ୍ୱଦେଶୀ ଟେଲିକମ୍ ଉତ୍ପାଦ/ସମାଧାନ ସୃଷ୍ଟି କରିବା ପାଇଁ ଶିକ୍ଷାବିତ୍, ଷ୍ଟାର୍ଟଅପ୍ ଏବଂ ଶିଳ୍ପସହଯୋଗ କରି ସ୍ୱଦେଶୀ ବିକାଶ ପାଇଁ ସମନ୍ୱୟମୂଳକ ଉଦ୍ଭାବନର ସଂସ୍କୃତିକୁ ପ୍ରୋତ୍ସାହିତ କରିବା ଏହି ପଦକ୍ଷେପଗୁଡ଼ିକର ଲକ୍ଷ୍ୟ ।
ଭାରତରେ ମହିଳାମାନେ ଆଇସିଟି ଏବଂ ଷ୍ଟେମ (ବିଜ୍ଞାନ, ପ୍ରଯୁକ୍ତିବିଦ୍ୟା, ଇଞ୍ଜିନିୟରିଂ, ଗଣିତ) ରେ ଏକାଧିକ କ୍ଷେତ୍ରରେ ଅଗ୍ରଗତି କରୁଛନ୍ତି ଏବଂ ସଫ୍ଟୱେର ବିକାଶ, ଇଞ୍ଜିନିୟରିଂ ଏବଂ ପ୍ରଯୁକ୍ତିବିଦ୍ୟାରେ ଯୋଗଦାନ କରୁଛନ୍ତି । ଉଦ୍ୟୋଗଏବଂ ଉଦ୍ଭାବନକୁ ଅଧିକ ପ୍ରୋତ୍ସାହିତ କରିବା ପାଇଁ ସି-ଡଟ୍ “ନିଧି” ଆରମ୍ଭ କରିଛି ।
ମହିଳାଙ୍କ ନେତୃତ୍ୱରେ ଡିପିଆଇଆଇଟି (ଶିଳ୍ପ ଏବଂ ଆଭ୍ୟନ୍ତରୀଣ ବାଣିଜ୍ୟ ପ୍ରୋତ୍ସାହନ ବିଭାଗ) ସ୍ୱୀକୃତିପ୍ରାପ୍ତ ଷ୍ଟାର୍ଟଅପ୍ ଗୁଡ଼ିକ ପାଇଁ “ନିଧି” ଅଧୀନରେ ଆବେଦନ ଖୋଲା ରହିଛି ଶ୍ରେଷ୍ଠ ୧୦ ଟି ଚୟନିତ ଷ୍ଟାର୍ଟଅପ୍ କୁ ପାଣ୍ଠି ଏବଂ ସହାୟତା ସମେତ ଆବଶ୍ୟକ ସହାୟତା ପ୍ରଦାନ କରାଯିବ । ଏଥିରେ ୧୦ ଲକ୍ଷ ଟଙ୍କା ଲେଖାଏଁ ପ୍ରାରମ୍ଭିକ ଅନୁଦାନ, ୬ ମାସ ପାଇଁ ସୁସଜ୍ଜିତ କାର୍ଯ୍ୟାଳୟ ସ୍ଥାନରେ ପ୍ରବେଶ, ଉପକରଣ ଏବଂ ଲ୍ୟାବ୍ ସୁବିଧା, ସି-ଡଟ୍ ବୈଷୟିକ ନେତୃବୃନ୍ଦଙ୍କ ପରାମର୍ଶ ଏବଂ ସି-ଡଟ୍ ସହଯୋଗୀ ଗବେଷଣା କାର୍ଯ୍ୟକ୍ରମ ଅଧୀନରେ ଭବିଷ୍ୟତସହଯୋଗ ପାଇଁ ସୁଯୋଗ ଅନ୍ତର୍ଭୁକ୍ତ। ଅଧିକ ସୂଚନା ପାଇଁ ପରିଦର୍ଶନ କରନ୍ତୁ
ଷ୍ଟାର ପ୍ରୋଗ୍ରାମ ମାଧ୍ୟମରେ ସି-ଡଟ୍ ପିଏଚଡି ଛାତ୍ରଛାତ୍ରୀଙ୍କୁ ଶ୍ରେଷ୍ଠ ୨୦ ଏନଆଇଆରଏଫ (ନ୍ୟାସନାଲ ଇନଷ୍ଟିଚ୍ୟୁଟ ରାଙ୍କିଙ୍ଗ ଫ୍ରେମୱାର୍କ) ମାନ୍ୟତା ପ୍ରାପ୍ତ ଇଞ୍ଜିନିୟରିଂ ଅନୁଷ୍ଠାନରୁ ଜଣେ ଲେଖାଏଁ ଛାତ୍ରବୃତ୍ତି ପ୍ରଦାନ କରିଥାଏ । ଏହି କାର୍ଯ୍ୟକ୍ରମରେ ମନୋନୀତ ବିଦ୍ୟାର୍ଥୀଙ୍କୁ ୪ ବର୍ଷ ପର୍ଯ୍ୟନ୍ତ ବାର୍ଷିକ ୬ ଲକ୍ଷ ଟଙ୍କାର ଛାତ୍ରବୃତ୍ତି ରାଶି ପ୍ରଦାନ କରାଯାଇଥାଏ। ମନୋନୀତ ଛାତ୍ରଛାତ୍ରୀଙ୍କୁ ସି-ଡଟ୍ ର ଗବେଷକ ନେତୃବୃନ୍ଦଙ୍କ ଠାରୁ ପରାମର୍ଶ ପ୍ରଦାନ କରାଯିବା ସହ ଲ୍ୟାବ୍ ସୁବିଧା ଉପଲବ୍ଧ କରାଯିବ। ୧୨ ଜଣ ପିଏଚଡି ଏସ ଙ୍କୁ
