ଷଷ୍ଠ ପର୍ଯ୍ୟାୟରେ ୮ଟି ରାଜ୍ୟ/କେନ୍ଦ୍ରଶାସିତ ଅଞ୍ଚଳର ୫୮ଟି ପିସିରେ ଶାନ୍ତିପୂର୍ଣ୍ଣ ମତଦାନ

ଜମ୍ମୁ-କଶ୍ମୀରର ଅନନ୍ତନାଗ-ରାଜୌରୀ ପିସିରେ ସନ୍ଧ୍ୟା ୭ଟା ୪୫ ସୁଦ୍ଧା ୫୨.୨୮% ମତଦାନ ସହ ସମ୍ପୂର୍ଣ୍ଣ ଶାନ୍ତିପୂର୍ଣ୍ଣ ମତଦାନ ହୋଇଛି, ଯାହା କି ଅନେକ ଦଶନ୍ଧି ମଧ୍ୟରେ ସର୍ବାଧିକ। ଏହା ସହ କେନ୍ଦ୍ରଶାସିତ ଅଞ୍ଚଳ ଜମ୍ମୁ-କଶ୍ମୀରର ସଂସଦୀୟ ଆସନ ପାଇଁ ମତଦାନ ଶେଷ ହୋଇଛି। ଚଳିତ ସାଧାରଣ ନିର୍ବାଚନ ୨୦୨୪ରେ ଉପତ୍ୟକାର ତିନୋଟି ପିସି ଯଥା ଶ୍ରୀନଗର (୩୮.୪୯%), ବାରାମୁଲ୍ଲା (୫୯.୧%) ଏବଂ ଅନନ୍ତନାଗ-ରାଜୌରୀ (ସନ୍ଧ୍ୟା ୭:୪୫ ସୁଦ୍ଧା ୫୨.୨୮%) ମତଦାନ ରେକର୍ଡ କରିଛନ୍ତି ଯାହା ଅନେକ ଦଶନ୍ଧି ମଧ୍ୟରେ ସର୍ବାଧିକ।

ଏହି ପର୍ଯ୍ୟାୟରେ ବିହାର, ଜମ୍ମୁ-କଶ୍ମୀର, ହରିୟାଣା, ଝାଡ଼ଖଣ୍ଡ, ଏନ୍ ସିଟି ଦିଲ୍ଲୀ, ଓଡ଼ିଶା, ଉତ୍ତରପ୍ରଦେଶ ଓ ପଶ୍ଚିମବଙ୍ଗରେ ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ ମତଦାନ ହେବ। ମୋଟ ୮୮୯ ଜଣ ପ୍ରାର୍ଥୀ ନିର୍ବାଚନ ମଇଦାନରେ ଥିଲେ।

ସମସ୍ତ ନିର୍ବାଚନ ମଣ୍ଡଳୀରେ ସୁରୁଖୁରୁରେ ଓ ଶାନ୍ତିଶୃଙ୍ଖଳାର ସହ ମତଦାନ ହୋଇଥିଲା। ସିଇସି ଶ୍ରୀ ରାଜୀବ କୁମାର ଏବଂ ଇସି ଶ୍ରୀ ଜ୍ଞାନେଶ କୁମାର ଏବଂ ଶ୍ରୀ ସୁଖବୀର ସିଂ ସାନ୍ଧୁ ମଧ୍ୟ ସେମାନଙ୍କ ପରିବାର ସହିତ ସେମାନଙ୍କ ମତଦାନ କେନ୍ଦ୍ରରେ ଭୋଟ୍ ଦେଇଥିଲେ। ସେମାନେ ନିର୍ବାଚନ ପ୍ରକ୍ରିୟାର ପ୍ରତ୍ୟେକ ଦିଗ ଉପରେ ତୀକ୍ଷ୍ଣ ନଜର ରଖିଥିଲେ ଏବଂ ଆବଶ୍ୟକ ନିର୍ଦ୍ଦେଶନାମା ଜାରି କରିଥିଲେ