ମୁମ୍ବାଇ ଉପକୂଳରୁ ୪ ଜଣ କର୍ମଚାରୀଙ୍କ ସହ ମାଛଧରା ଜାହାଜକୁ ଗିରଫ କଲା ଆଇସିଜି; ୩୦ ହଜାର ଲିଟର ବେଆଇନ ଡିଜେଲ ଓ ନଗଦ ୧ ଲକ୍ଷ ୭୫ ହଜାର ଟଙ୍କା ଜବତ

ଭାରତୀୟ ତଟରକ୍ଷୀ ବାହିନୀ (ଆଇସିଜି) ୨୦୨୪ ମେ ୧୨ ତାରିଖରେ ମୁମ୍ବାଇଠାରୁ ପ୍ରାୟ ୨୭ ନଟିକାଲ ମାଇଲ ଦକ୍ଷିଣ-ପଶ୍ଚିମରେ ଥିବା ଏକ ମାଛଧରା ଜାହାଜ ଆଇ ତୁଲଜାଇକୁ ଗିରଫ କରିଥିଲା। ବେଆଇନ ଡିଜେଲ ଚୋରା ଚାଲାଣରେ ସମ୍ପୃକ୍ତ ଥିବା ସନ୍ଦିଗ୍ଧ ଜାହାଜକୁ ଆଇସିଜି ଫାଷ୍ଟ ପାଟ୍ରୋଲିଂ ଜାହାଜ ଓ ଇଣ୍ଟରସେପ୍ଟର ବୋଟ୍ ଗିରଫ କରିଛି।
ଜାହାଜର ବ୍ୟାପକ ଯାଞ୍ଚ ପରେ ମାଛ ଭିତରେ ଲୁଚାଇ ରଖାଯାଇଥିବା ପ୍ରାୟ ୩୦ ହଜାର ଲିଟର ବେଆଇନ ଡିଜେଲ ଜବତ କରାଯାଇଛି। ଏହାସହ ୧ ଲକ୍ଷ ୭୫ ହଜାର ଟଙ୍କା ଜବତ କରାଯାଇଛି। ଗିରଫ କର୍ମଚାରୀମାନଙ୍କୁ ପଚରାଉଚରା କରିବାରୁ ସେମାନେ ସେମାନଙ୍କ ବେଆଇନ ସାମଗ୍ରୀକୁ ଅଜ୍ଞାତ ମତ୍ସ୍ୟଜୀବୀମାନଙ୍କୁ ଚାଲାଣ କରିବାକୁ ଚାହୁଁଥିଲେ ବୋଲି ଜଣାପଡ଼ିଥିଲା।
ଧରାପଡ଼ିଥିବା ଜାହାଜକୁ ଆଇସିଜି ଇଣ୍ଟରସେପ୍ଟର ବୋଟ୍ ମୁମ୍ବାଇ ବନ୍ଦରକୁ ନେଇ ଯାଇଥିଲା, ଯେଉଁଠାରେ ଉପଯୁକ୍ତ ତଦନ୍ତ ଏବଂ ଆଇନଗତ କାର୍ଯ୍ୟାନୁଷ୍ଠାନ ପାଇଁ ସୀମା ଶୁଳ୍କ ବିଭାଗର କର୍ତ୍ତୃପକ୍ଷଙ୍କୁ ହସ୍ତାନ୍ତର କରାଯାଇଥିଲା। ଏହି ସାମୁଦ୍ରିକ ବିପଦ ବିରୋଧରେ ବ୍ୟାପକ କାର୍ଯ୍ୟାନୁଷ୍ଠାନ ସୁନିଶ୍ଚିତ କରିବା ପାଇଁ ପୋଲିସ, ମତ୍ସ୍ୟ ବିଭାଗ ଏବଂ ରାଜସ୍ୱ ଗୁଇନ୍ଦା ନିର୍ଦ୍ଦେଶାଳୟ ସମେତ ଅନ୍ୟ ଉପକୂଳ ସୁରକ୍ଷା ଏଜେନ୍ସିଗୁଡିକୁ ମଧ୍ୟ ଏହି କ୍ଷେତ୍ରକୁ ଅଣାଯାଇଥିଲା ।