ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ସର୍ବକନିଷ୍ଠ ବିଶ୍ୱ ଚେସ୍ ଚାମ୍ପିୟନ ହୋଇଥିବାରୁ ଗୁକେଶ ଡିଙ୍କୁ ଅଭିନନ୍ଦନ ଜଣାଇଛନ୍ତି ।

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଡିସେମ୍ବର ୧୩ ରେ ଉତ୍ତର ପ୍ରଦେଶ ଗସ୍ତ ରେ ଯିବେ । ସେ ପ୍ରୟାଗରାଜ ଯିବେ ଏବଂ ଅପରାହ୍ନ ପ୍ରାୟ ୧୨ଟା ୧୫ରେ ସଙ୍ଗମ ନାକରେ ପୂଜା ଓ ଦର୍ଶନ କରିବେ। ଏହାପରେ ମଧ୍ୟାହ୍ନ ପ୍ରାୟ ୧୨ଟା ୪୦ରେ ପ୍ରଧାନମନ୍ତ୍ରୀ ଅକ୍ଷୟ ବଟା ବୃକ୍ଷରେ ପୂଜାର୍ଚ୍ଚନା କରିବା ପରେ ହନୁମାନ ମନ୍ଦିର ଓ ସରସ୍ୱତୀ କୁପରେ ଦର୍ଶନ ଓ ପୂଜାର୍ଚ୍ଚନା କରିବେ। ଅପରାହ୍ନ ପ୍ରାୟ ସାଢ଼େ ଗୋଟାଏବେଳେ ସେ ମହାକୁମ୍ଭ ପ୍ରଦର୍ଶନୀ ସ୍ଥଳରୁ ପଦଯାତ୍ରା କରିବେ। ଏହାପରେ ଅପରାହ୍ନ ପ୍ରାୟ ୨ଟାରେ ସେ ପ୍ରୟାଗରାଜଠାରେ ପାଖାପାଖି ୫୫୦୦ କୋଟି ଟଙ୍କାର ଏକାଧିକ ଉନ୍ନୟନ ମୂଳକ ପ୍ରକଳ୍ପର ଉଦଘାଟନ ଓ ଶୁଭାରମ୍ଭ କରିବେ।

ମହାକୁମ୍ଭ ୨୦୨୫ ପାଇଁ ପ୍ରଧାନମନ୍ତ୍ରୀ ବିଭିନ୍ନ ପ୍ରକଳ୍ପର ଉଦଘାଟନ କରିବେ । ଏଥିରେ ପ୍ରୟାଗରାଜରେ ଭିତ୍ତିଭୂମି କୁ ସୁଦୃଢ଼ କରିବା ଏବଂ ନିରବଚ୍ଛିନ୍ନ ଯୋଗାଯୋଗ ଯୋଗାଇବା ପାଇଁ ୧୦ଟି ନୂତନ ରୋଡ୍ ଓଭର ବ୍ରିଜ୍ ବା ଫ୍ଲାଏଓଭର, ସ୍ଥାୟୀ ଘାଟ ଏବଂ ରିଭରଫ୍ରଣ୍ଟ ରାସ୍ତା ଭଳି ବିଭିନ୍ନ ରେଳ ଓ ସଡ଼କ ପ୍ରକଳ୍ପ ଅନ୍ତର୍ଭୁକ୍ତ ହେବ।

ପ୍ରଧାନମନ୍ତ୍ରୀ ଭରଦ୍ୱାଜ ଆଶ୍ରମ କରିଡର, ଶ୍ରଙ୍ଗଭରପୁର ଧାମ କରିଡର, ଅକ୍ଷୟବତ କରିଡର, ହନୁମାନ ମନ୍ଦିର କରିଡର ସମେତ ପ୍ରମୁଖ ମନ୍ଦିର କରିଡରକୁ ଉଦଘାଟନ କରିବେ । ଏହି ପ୍ରକଳ୍ପଗୁଡ଼ିକ ଭକ୍ତଙ୍କ ପ୍ରବେଶକୁ ସହଜ କରିବ ଏବଂ ଆଧ୍ୟାତ୍ମିକ ପର୍ଯ୍ୟଟନକୁ ମଧ୍ୟ ପ୍ରୋତ୍ସାହିତ କରିବ ।

ପ୍ରଧାନମନ୍ତ୍ରୀ କୁମ୍ଭ ସାହାୟକ ଚାଟବଟ୍ ମଧ୍ୟ ଉନ୍ମୋଚନ କରିବେ ଯାହା ମହାକୁମ୍ଭ ମେଳା ୨୦୨୫ରେ ଭକ୍ତମାନଙ୍କୁ ଘଟଣାବିଷୟରେ ମାର୍ଗଦର୍ଶନ ଏବଂ ଅପଡେଟ୍ ଦେବା ପାଇଁ ବିବରଣୀ ପ୍ରଦାନ କରିବ । ଅଧିକ ପଢନ୍ତୁ