ଖଦି ଓ ଗ୍ରାମୋଦ୍ୟୋଗ ଆୟୋଗର ଅଧ୍ୟକ୍ଷ ମନୋଜ କୁମାର ଶୁକ୍ରବାର ବୋରିଭାଲିସ୍ଥିତ କୋରା କେନ୍ଦ୍ରରେ ଖଦି କର୍ମକର୍ତ୍ତାମାନଙ୍କୁ ସମ୍ବୋଧିତ କଲେ

ସମଗ୍ର ଦେଶରେ ଖଦି ଜାତୀୟ ପତାକା ଉତ୍ପାଦନ ଓ ବିକ୍ରୟ ବୃଦ୍ଧି କରିବା ଏବଂ ଦେଶର ସମସ୍ତ ଖାଦି ଅନୁଷ୍ଠାନକୁ ସଶକ୍ତ ଓ ପ୍ରୋତ୍ସାହିତ କରିବା ଉଦ୍ଦେଶ୍ୟରେ ଅଣୁ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ (ଏମ୍ ଏସ୍ ଏମ୍ ଇ) ମନ୍ତ୍ରଣାଳୟର ଖାଦି ଓ ଗ୍ରାମୋଦ୍ୟୋଗ ଆୟୋଗ (କେଭିଆଇସି) ପକ୍ଷରୁ ଶୁକ୍ରବାର ବୋରିଭାଲିସ୍ଥିତ ସିଭି କୋରା ଗ୍ରାମୋଦ୍ୟୋଗ ଅନୁଷ୍ଠାନରେ ଖଦି ଜାତୀୟ ପତାକା ଶ୍ରମିକ ଆଲୋଚନା ଅନୁଷ୍ଠିତ ହୋଇଯାଇଛି। ଏହି ଅବସରରେ ମୁଖ୍ୟ ଅତିଥି କେଭିଆଇସି ଅଧ୍ୟକ୍ଷ ମନୋଜ କୁମାର ଖଦି କର୍ମୀମାନଙ୍କୁ ସମ୍ବୋଧିତ କରିଥିଲେ। ସଭାପତିତ୍ବ ଭାଷଣରେ ସେ ଦେଶ ନିର୍ମାଣରେ ଖାଦି ଶ୍ରମିକଙ୍କ ଅବଦାନକୁ ପ୍ରଶଂସା କରିବା ସହ କହିଥିଲେ ଯେ ମାନ୍ୟବର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ‘ହର ଘର ତିରଙ୍ଗା’ ଅଭିଯାନ ଖଦି ଜାତୀୟ ପତାକାର ଚାହିଦାକୁ ଯଥେଷ୍ଟ ବୃଦ୍ଧି କରିଛିଏହି ଅବସରରେ ଖଦି ଓ ଗ୍ରାମୋଦ୍ୟୋଗ ଆୟୋଗର ଅଧ୍ୟକ୍ଷ କହିଛନ୍ତି, ଆତ୍ମନିର୍ଭର ଭାରତର ଲକ୍ଷ୍ୟ ହାସଲ ଦିଗରେ ଏହା ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ। ଆମସ୍ୱାଧୀନତା ସଂଗ୍ରାମର ପ୍ରତୀକ ଖାଦିକୁ ଅଧିକ ପ୍ରାସଙ୍ଗିକ କରିବା ପାଇଁ ଏହା ଏକ ପ୍ରୟାସ, ଯାହା ଦେଶ ପ୍ରତି ଆମର ଅତୁଟ ଭକ୍ତିକୁ ପ୍ରତିଫଳିତ କରେ। ସେ ଆହୁରି ମଧ୍ୟ କହିଛନ୍ତି ଯେ ଖଦି ହେଉଛି ଆତ୍ମନିର୍ଭର ଭାରତର ଆତ୍ମା। ଏହା ଗ୍ରାମୀଣ ଭାରତର ଅର୍ଥନୀତିର ଆଧାର । ଖଦି ହେଉଛି ବିଶ୍ୱର ଏକମାତ୍ର ବସ୍ତ୍ର ଯାହାର ନିଜର ଗୌରବମୟ ଇତିହାସ ରହିଛି