ଗୁଜରାଟକୁ ଏଇଏସ୍ ମାମଲାର ମହାମାରୀ, ପରିବେଶ ଏବଂ ପରୀକ୍ଷାଗାର ଅନୁସନ୍ଧାନରେ ସହାୟତା କରିବା ପାଇଁ ନିୟୋଜିତ ବହୁବିଭାଗୀୟ କେନ୍ଦ୍ରୀୟ ଦଳ
ଭେକ୍ଟର ନିୟନ୍ତ୍ରଣ, ପରିଚ୍ଛନ୍ନତା ଏବଂ ସଚେତନତା ଏହି ରୋଗ ବିରୋଧରେ ପ୍ରମୁଖ ପଦକ୍ଷେପ ଭାବରେ ଚିହ୍ନଟ କରାଯାଇଛି
କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ଡିଜିଏଚଏସ ତଥା ଏନସିଡିସିର ନିର୍ଦ୍ଦେଶକ ପ୍ରଫେସର (ଡାକ୍ତର) ଅତୁଲ ଗୋଏଲ
କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ଡିଜିଏଚଏସ ତଥା ଏନସିଡିସିର ନିର୍ଦ୍ଦେଶକ ପ୍ରଫେସର (ଡାକ୍ତର) ଅତୁଲ ଗୋଏଲ, ଏମ୍ସ, କଳାବତୀ ଶରଣ ଶିଶୁ ଡାକ୍ତରଖାନା ଏବଂ ଜାତୀୟ ମାନସିକ ସ୍ୱାସ୍ଥ୍ୟ ଓ ସ୍ନାୟୁବିଜ୍ଞାନ ପ୍ରତିଷ୍ଠାନ (ନିମ୍ହାନ୍ସ)ର ବିଶେଷଜ୍ଞଏବଂ କେନ୍ଦ୍ର ଏବଂ ରାଜ୍ୟ ସର୍ଭିଲାନ୍ସ ୟୁନିଟ୍ର ଅଧିକାରୀମାନେ ଗତକାଲି ଗୁଜରାଟ, ରାଜସ୍ଥାନ ଏବଂ ମଧ୍ୟପ୍ରଦେଶର ଚାନ୍ଦିପୁରା ଭୂତାଣୁ ଏବଂ ଆକ୍ୟୁଟ୍ ଏନସେଫାଲାଇଟିସ୍ ସିଣ୍ଡ୍ରୋମ୍ (ଏଇଏସ୍) ମାମଲାର ସମୀକ୍ଷା କରିଥିଲେ। ଚାନ୍ଦିପୁରା ଭୂତାଣୁ ଏବଂ ଏଇଏସ୍ ମାମଲାର ସ୍ଥିତି ଉପରେ ବିସ୍ତୃତ ଆଲୋଚନା ଏବଂ ସମୀକ୍ଷା ପରେ ବିଶେଷଜ୍ଞମାନେ ଏହି ସିଦ୍ଧାନ୍ତରେ ପହଞ୍ଚିଛନ୍ତି ଯେ ସମଗ୍ର ଦେଶରେ ଏଇଏସ୍ ମାମଲାର ମାତ୍ର ଅଳ୍ପ ଅନୁପାତରେ ସଂକ୍ରାମକ ଏଜେଣ୍ଟର ଯୋଗଦାନ ରହିଛି। ସେମାନେ ଗୁଜରାଟରେ ରିପୋର୍ଟ ହୋଇଥିବା ଏଇଏସ୍ ମାମଲାର ବ୍ୟାପକ ମହାମାରୀ, ପରିବେଶ ଏବଂ କୀଟବିଜ୍ଞାନ ଅଧ୍ୟୟନର ଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ
ଗୁଜୁରାଟ ରାଜ୍ୟକୁ ସହଯୋଗ କରିବା ପାଇଁ ଏନସିଡିସି, ଆଇସିଏମଆର ଏବଂ ଡିଏଏଚଡିର ଏକ ବହୁବିଭାଗୀୟ କେନ୍ଦ୍ରୀୟ ଟିମ୍ ନିୟୋଜିତ ହୋଇଛନ୍ତି।
ଏହି ତଦନ୍ତରେ ଗୁଜରାଟ ରାଜ୍ୟକୁ ସହଯୋଗ କରିବା ପାଇଁ ଏନସିଡିସି, ଆଇସିଏମଆର ଏବଂ ଡିଏଏଚଡିର ଏକ ବହୁବିଭାଗୀୟ କେନ୍ଦ୍ରୀୟ ଟିମ୍ ନିୟୋଜିତ ହୋଇଛନ୍ତି।
ଆକ୍ୟୁଟ୍ ଏନସେଫାଲାଇଟିସ୍ ସିଣ୍ଡ୍ରୋମ (ଏଇଏସ୍) ହେଉଛି ବିଭିନ୍ନ ଭୂତାଣୁ, ବ୍ୟାକ୍ଟେରିଆ, ଫଙ୍ଗସ୍, ପରଜୀବୀ, ସ୍ପିରୋଚେଟ୍, ରାସାୟନିକ/ ବିଷାକ୍ତ ପଦାର୍ଥ ଇତ୍ୟାଦି କାରଣରୁ ହେଉଥିବା କ୍ଲିନିକାଲି ସମାନ ନ୍ୟୁରୋଲୋଜିକ ପ୍ରକାଶର ଏକ ଗୋଷ୍ଠୀ । ଏଇଏସର ଜଣାଶୁଣା ଭୂତାଣୁ ଜନିତ କାରଣ ଗୁଡ଼ିକ ମଧ୍ୟରେ ଜେଇ, ଡେଙ୍ଗୁ, ଏଚଏସଭି, ସିଏଚପିଭି, ୱେଷ୍ଟ ନାଇଲ ଇତ୍ୟାଦି ଅନ୍ତର୍ଭୁକ୍ତ ।
ଚାନ୍ଦିପୁରା ଭାଇରସ୍ (ସିଏଚପିଭି) ରାବଡୋଭିରିଡେ ପରିବାରର ଏକ ସଦସ୍ୟ ଯାହା ଦେଶର ପଶ୍ଚିମ, କେନ୍ଦ୍ରୀୟ ଏବଂ ଦକ୍ଷିଣ ଭାଗରେ ବିଶେଷ କରି ମୌସୁମୀ ଋତୁରେ ବିକ୍ଷିପ୍ତ ସଂକ୍ରମଣ ଏବଂ ପ୍ରକୋପ ସୃଷ୍ଟି କରିଥାଏ । ଏହା ବାଲି ମାଛି ଓ ଟିକ୍ ଭଳି ଭେକ୍ଟର ଦ୍ୱାରା ବ୍ୟାପିଥାଏ
ଭେକ୍ଟର ନିୟନ୍ତ୍ରଣ, ସ୍ୱଚ୍ଛତା ଏବଂ ସଚେତନତା ହିଁ ଏହି ରୋଗ ବିରୋଧରେ ଏକମାତ୍ର ଉପାୟ ଉପଲବ୍ଧ ।
ଏଠାରେ ଉଲ୍ଲେଖଯୋଗ୍ୟ ଯେ ଭେକ୍ଟର ନିୟନ୍ତ୍ରଣ, ସ୍ୱଚ୍ଛତା ଏବଂ ସଚେତନତା ହିଁ ଏହି ରୋଗ ବିରୋଧରେ ଏକମାତ୍ର ଉପାୟ ଉପଲବ୍ଧ । ଏହି ରୋଗ ମୁଖ୍ୟତଃ ୧୫ ବର୍ଷରୁ କମ୍ ବୟସର ପିଲାମାନଙ୍କୁ ପ୍ରଭାବିତ କରିଥାଏ ଏବଂ ଏକ ଜ୍ୱର ଜନିତ ରୋଗ ସହିତ ଦେଖାଦେଇପାରେ ଯାହା କେତେକ କ୍ଷେତ୍ରରେ ମୃତ୍ୟୁର କାରଣ ହୋଇପାରେ | ଯଦିଓ ସିଏଚପିଭି ପାଇଁ କୌଣସି ନିର୍ଦ୍ଦିଷ୍ଟ ଚିକିତ୍ସା ଉପଲବ୍ଧ ନାହିଁ ଏବଂ ପରିଚାଳନା ଲକ୍ଷଣଯୁକ୍ତ ଅଟେ, ସନ୍ଦିଗ୍ଧ ଏଇଏସ ମାମଲାଗୁଡିକୁ ନିର୍ଦ୍ଧାରିତ କେନ୍ଦ୍ରକୁ ଠିକ୍ ସମୟରେ ରେଫରାଲ କରିବା ଫଳାଫଳରେ ଉନ୍ନତି ଆଣିପାରେ
ଜୁନ୍ ୨୦୨୪ ପ୍ରାରମ୍ଭରୁ ଗୁଜରାଟରେ ୧୫ ବର୍ଷରୁ କମ୍ ବୟସର ପିଲାଙ୍କ ଠାରେ ଆକ୍ୟୁଟ୍ ଏନ୍ସେଫାଲାଇଟିସ୍ ସିଣ୍ଡ୍ରୋମ୍ (ଏଇଏସ୍) ମାମଲା ସାମ୍ନାକୁ ଆସୁଛି।
ଜୁନ୍ ୨୦୨୪ ପ୍ରାରମ୍ଭରୁ ଗୁଜରାଟରେ ୧୫ ବର୍ଷରୁ କମ୍ ବୟସର ପିଲାଙ୍କ ଠାରେ ଆକ୍ୟୁଟ୍ ଏନ୍ସେଫାଲାଇଟିସ୍ ସିଣ୍ଡ୍ରୋମ୍ (ଏଇଏସ୍) ମାମଲା ସାମ୍ନାକୁ ଆସୁଛି। ଜୁଲାଇ ୨୦, ୨୦୨୪ ସୁଦ୍ଧା ମୋଟ ୭୮ଟି ଏଇଏସ୍ ମାମଲା ସାମ୍ନାକୁ ଆସିଛି, ଯେଉଁଥିରେ ଗୁଜୁରାଟର ୨୧ଟି ଜିଲ୍ଲା/ନିଗମରୁ ୭୫ଜଣ, ରାଜସ୍ଥାନରୁ ୨ଜଣ ଏବଂ ମଧ୍ୟପ୍ରଦେଶରୁ ଜଣେ ଅଛନ୍ତି। ସେଥିମଧ୍ୟରୁ ୨୮ଟି ମାମଲାରେ ମୃତ୍ୟୁ ଘଟିଛି। ଏନଆଇଭି ପୁଣେରେ ପରୀକ୍ଷା କରାଯାଇଥିବା ୭୬ଟି ନମୁନା ମଧ୍ୟରୁ ୯ ଜଣ ଚାନ୍ଦିପୁରା ଭାଇରସ୍ (ସିଏଚପିଭି) ପଜିଟିଭ୍ ଚିହ୍ନଟ ହୋଇଛନ୍ତି। ସମସ୍ତ ୯ ସିଏଚପିଭି ପଜିଟିଭ୍ ମାମଲା ଏବଂ ୫ ଜଣ ସଂପୃକ୍ତ ମୃତ୍ୟୁ ଗୁଜୁରାଟରୁ ଆସିଛନ୍ତି। ଅଧିକ ପଢନ୍ତୁ
