ଆଇସି ଚିପ୍ ଉତ୍ପାଦନରେ ଭାରତକୁ ଆତ୍ମନିର୍ଭରଶୀଳ କରିବା ପାଇଁ ଏଚ୍ କ୍ୟୁଆଇଡିଏସ୍ ପକ୍ଷରୁ କର୍ମଶାଳା ଆୟୋଜନ
ଆଇସି ଉତ୍ପାଦନ ପ୍ରଯୁକ୍ତିର ଅତ୍ୟନ୍ତ ଗୁରୁତ୍ୱକୁ ଦୃଷ୍ଟିରେ ରଖି ମୁଖ୍ୟାଳୟ ସମନ୍ୱିତ ପ୍ରତିରକ୍ଷା କର୍ମଚାରୀ (ଆଇଡିଏସ) ପକ୍ଷରୁ ଡିସେମ୍ବର ୧୩, ୨୦୨୪ରେ ଦିଲ୍ଲୀର ମାନେକଶା ସେଣ୍ଟରରେ “ଆଇସି ଚିପ୍ ଉତ୍ପାଦନରେ ଭାରତକୁ ଆତ୍ମନିର୍ଭରଶୀଳ କରିବା ପାଇଁ ସେମିକଣ୍ଡକ୍ଟର ଇକୋସିଷ୍ଟମକୁ ଶକ୍ତିଶାଳୀ କରିବା” ଶୀର୍ଷକ ଏକ ଦିନିକିଆ କର୍ମଶାଳା ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ଆଇଡିଏସ୍ (ପରସ୍ପେକ୍ଟିଭ୍ ପ୍ଲାନିଂ ଆଣ୍ଡ ଫୋର୍ସ ଡେଭଲପମେଣ୍ଟ)ର ଉପମୁଖ୍ୟ ଭାଇସ୍ ଆଡମିରାଲ ସଞ୍ଜୟ ବାତ୍ସୟାନ ଅଧ୍ୟକ୍ଷତା କରିଥିଲେ। ‘ଭାରତୀୟ ପ୍ରତିରକ୍ଷା ସେମିକଣ୍ଡକ୍ଟର ପଲିସି’ ବିକଶିତ କରିବାର ଆବଶ୍ୟକତା ଉପରେ ସେ ଗୁରୁତ୍ୱାରୋପ କରି କହିଥିଲେ ଯେ ‘ଚାହିଦା ଏବଂ ସରକାରଙ୍କ ନୀତି ଦ୍ୱାରା ପରିଚାଳିତ ଏକ ଟ୍ରାନ୍ସ-ଫର୍ମେଟିଭ୍ ପରିବର୍ତ୍ତନର ଦ୍ୱାରରେ ଭାରତ ରହିଛି’।
ଏହି କର୍ମଶାଳା ପ୍ରତିରକ୍ଷା ମନ୍ତ୍ରଣାଳୟର ବିଭିନ୍ନ ବିଭାଗର ବିଶେଷଜ୍ଞମାନଙ୍କୁ ଏକାଠି କରି ଏଚକ୍ୟୁ ଆଇଡିଏସ, ସେବା ମୁଖ୍ୟାଳୟ, ଡିଆରଡିଓ, ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତି ବିଦ୍ୟା ମନ୍ତ୍ରଣାଳୟ (ଏମଇଆଇଟିଆଇ) ସମେତ ବିଷୟବସ୍ତୁ ସହିତ ଜଡିତ ଗୁରୁତ୍ୱପୂର୍ଣ୍ଣ ପ୍ରସଙ୍ଗଗୁଡିକ ଉପରେ ବିଚାର ବିମର୍ଶ କରିବା ପାଇଁ ଏକ ପ୍ଲାଟଫର୍ମ ପ୍ରଦାନ କରିଥିଲା ।
ସ୍ମାର୍ଟଫୋନ୍, କମ୍ପ୍ୟୁଟର, ମେଡିକାଲ ୍ ଡିଭାଇସ୍, ଅଟୋମୋଟିଭ୍ ସିଷ୍ଟମ୍, ସାମରିକ ବ୍ୟବସ୍ଥା, ଯୋଗାଯୋଗ ନେଟୱାର୍କ ଏବଂ ଗୁରୁତ୍ୱପୂର୍ଣ୍ଣ ଭିତ୍ତିଭୂମିରେ ବ୍ୟବହୃତ ହେଉଥିବା ଆଧୁନିକ ଜ୍ଞାନକୌଶଳର ମେରୁଦଣ୍ଡ ହେଉଛି ସମନ୍ବିତ ସର୍କିଟ୍ । ଆଜିର ପରସ୍ପର ସହ ଜଡିତ ବିଶ୍ୱ ଅର୍ଥନୀତିରେ ସେମିକଣ୍ଡକ୍ଟର ଉତ୍ପାଦନ କ୍ଷମତା ରହିବା ଦ୍ୱାରା ବିଦେଶୀ ଯୋଗାଣକାରୀଙ୍କ ଉପରେ ନିର୍ଭରଶୀଳତା ହ୍ରାସ ପାଇଥାଏ ଏବଂ ଯୋଗାଣ ଶୃଙ୍ଖଳା ବାଧାପ୍ରାପ୍ତ ହେବାର ଆଶଙ୍କା ହ୍ରାସ ପାଇଥାଏ ।
ଡିଆରଡିଓର ସଲିଡ୍ ଷ୍ଟେଟ୍ ଫିଜିକ୍ସ ଲାବୋରେଟୋରିର ଓଏସ୍ ତଥା ନିର୍ଦ୍ଦେଶକ ଡ. ମୀନା ମିଶ୍ର ଏବଂ ଟାଟା ଇଲେକ୍ଟ୍ରୋନିକ୍ସର ଏମ୍ଡି ତଥା ସିଇଓ ଡ. ରଣଧୀର ଠାକୁରଙ୍କ ତରଫରୁ ବରିଷ୍ଠ ଉପସଭାପତି ଉତ୍ପଳ ଶାହା ପ୍ରମୁଖ ଅତିଥି ଭାବେ ଯୋଗଦେଇଥିଲେ। ଅଧିକ ପଢନ୍ତୁ
